гугнивому древле слух что значит
Храм Преподобного Александра Свирского
наш приходской сайт
Акафист Иисусу Сладчайшему
На Господи воззвах:
Иисусе сладчайший, души моея утешение, Иисусе мой, очищение ума моего, Владыко многомилостиве, Иисусе, спаси мя. Иисусе Спасе мой, Иисусе мой всесильне, не остави мене. Спасе Иисусе, помилуй мя, и избави муки всякия, Иисусе, и сподоби мя, спасаемых части, Иисусе мой, и лику избранных Твоих сопричти мя, Иисусе человеколюбче.
Иисусе сладчайший, апостолов славо, Иисусе мой, похвало мучеников, Владыко всесильне. Иисусе, спаси мя. Иисусе Спасе мой, Иисусе мой краснейший, к тебе притекающаго, Спасе Иисусе, помилуй мя, молитвами рождшия тя, всех, Иисусе, святых Твоих, пророк же всех, Спасе мой Иисусе, и сладости райския сподоби, Иисусе человеколюбче.
Иисусе сладчайший, монашествующих славо, Иисусе долготерпеливе, постников наслаждение и украшение. Иисусе, спаси мя, Иисусе Спасе мой. Иисусе мой преблагий, руки исхити мя, Спасе Иисусе, змиевы, и сего сетей ныне, Спасе Иисусе, свободи: от рова преисподнейшаго, Спасе мой Иисусе, возведи, и десным мя сопричти, Иисусе, овцам.
Кондак 1
Возбранный Воеводо и Господи, ада победителю, яко избавлься от вечныя смерти, похвальная восписую Ти, создание и раб Твой; но, яко имеяй милосердие неизреченное, от всяких мя бед свободи, зовуща: Иисусе, Сыне Божий, помилуй мя.
Икос 1
Ангелов Творче и Господи cил, отверзи ми недоуменный ум и язык на похвалу пречистаго Твоего имене, якоже глухому и гугнивому древле слух и язык отверзл еси, и, глаголаше зовый таковая:
Иисусе пречудный, aнгелов удивление;
Иисусе пресильный, прародителей избавление.
Иисусе пресладкий, патриархов величание;
Иисусе преславный, царей укрепление.
Иисусе прелюбимый, пророков исполнение;
Иисусе предивный, мучеников крепосте.
Иисусе претихий, монахов радосте;
Иисусе премилостивый, пресвитеров сладосте.
Иисусе премилосердый, постников воздержание;
Иисусе пресладостный, преподобных радование.
Иисусе пречестный, девственных целомудрие;
Иисусе предвечный, грешников спасение.
Иисусе, Сыне Божий, помилуй мя.
Кондак 2
Видя вдовицу зельне плачущу, Господи, якоже бо тогда умилосердився, сына ея на погребение несома воскресил еси; сице и о мне умилосердися, Человеколюбче, и грехми умерщвленную мою душу воскреси, зовущую: Аллилуиа.
Икос 2
Разум неуразуменный разумети Филипп ища, Господи, покажи нам Отца, глаголаше; Ты же к нему: толикое время сый со Мною, не познал ли еси, яко Отец во Мне, и Аз во Отце есмь? Темже, Неизследованне, со страхом зову Ти:
Иисусе, Боже предвечный;
Иисусе, Царю пресильный.
Иисусе, Владыко долготерпеливый;
Иисусе, Спасе премилостивый.
Иисусе, хранителю мой преблагий;
Иисусе, очисти грехи моя.
Иисусе, отыми беззакония моя;
Иисусе, отпусти неправды моя.
Иисусе, надеждо моя, не остави мене;
Иисусе, помощниче мой, не отрини мене.
Иисусе, Создателю мой, не забуди мене;
Иисусе, Пастырю мой, не погуби мене.
Иисусе, Сыне Божий, помилуй мя.
Кондак 3
Силою свыше апостолы облекий, Иисусе, во Иерусалиме седящия, облецы и мене, обнаженнаго от всякаго благотворения, теплотою Духа Святаго Твоего и даждь ми с любвью пети Тебе: Аллилуиа.
Икос 3
Имеяй богатство милосердия, мытари и грешники, и неверныя призвал еси, Иисусе; не презри и мене ныне, подобнаго им, но, яко многоценное миро, приими песнь сию:
Иисусе, сило непобедимая;
Иисусе, милосте безконечная.
Иисусе, красото пресветлая;
Иисусе, любы неизреченная.
Иисусе, Сыне Бога Живаго;
Иисусе, помилуй мя грешнаго.
Иисусе, услыши мя в беззакониих зачатаго;
Иисусе, очисти мя во гресех рожденнаго.
Иисусе, научи мя непотребнаго;
Иисусе, освети мя темнаго.
Иисусе, очисти мя сквернаго;
Иисусе, возведи мя блуднаго.
Иисусе, Сыне Божий, помилуй мя.
Кондак 4
Бурю внутрь имеяй помышлений сумнительных, Петр утопаше; узрев же во плоти Тя суща, Иисусе, и по водам ходяща, позна Тя Бога истиннаго и, руку спасения получив, рече: Аллилуиа.
Икос 4
Слыша слепый мимоходяща Тя, Господи, путем вопияше: Иисусе, Сыне Давидов, помилуй мя! И, призвав, отверзл еси очи его. Просвети убо милостию Твоею очи мысленныя сердца и мене, вопиюща Ти и глаголюща:
Иисусе, вышних Создателю;
Иисусе, нижних Искупителю.
Иисусе, преисподних потребителю;
Иисусе, всея твари украсителю.
Иисусе, души моея утешителю;
Иисусе, ума моего просветителю.
Иисусе, сердца моего веселие;
Иисусе, тела моего здравие.
Иисусе, Спасе мой, спаси мя;
Иисусе, свете мой, просвети мя.
Иисусе, муки всякия избави мя;
Иисусе, спаси мя, недостойнаго.
Иисусе, Сыне Божий, помилуй мя.
Кондак 5
Боготочною Кровию якоже искупил еси нас древле от законныя клятвы, Иисусе, сице изми нас от сети, еюже змий запят ны страстьми плотскими, и блудным наваждением, и злым унынием, вопиющия Ти: Аллилуиа.
Икос 5
Видевше отроцы еврейстии во образе человечестем Создавшаго рукою человека, и Владыку разумевше Его, потщашася ветвьми угодити Ему, осанна вопиюще. Мы же песнь приносим Ти, глаголюще:
Иисусе, Боже истинный;
Иисусе, Сыне Давидов.
Иисусе, Царю преславный;
Иисусе, Агнче непорочный.
Иисусе, Пастырю предивный;
Иисусе, хранителю во младости моей.
Иисусе, кормителю во юности моей;
Иисусе, похвало в старости моей.
Иисусе, надежде в смерти моей;
Иисусе, животе по смерти моей.
Иисусе, утешение мое на суде Твоем;
Иисусе, желание мое, не посрами мене тогда.
Иисусе, Сыне Божий, помилуй мя.
Кондак 6
Проповедник богоносных вещание и глаголы исполняя, Иисусе, на земли явлься и с человеки Невместимый пожил еси, и болезни наша подъял еси, отнюдуже ранами Твоими мы исцелевше, пети навыкохом: Аллилуиа.
Икос 6
Возсия вселенней просвещение истины Твоея, и отгнася лесть бесовская: идоли бо, Спасе наш, не терпяще Твоея крепости, падоша. Мы же, спасение получивше, вопием Ти:
Иисусе, истино, лесть отгонящая;
Иисусе, свете, превышший всех светлостей.
Иисусе, Царю, премогаяй всех крепости;
Иисусе, Боже, пребываяй в милости.
Иисусе, Хлебе Животный, насыти мя алчущаго;
Иисусе, источниче разума, напой мя жаждущаго.
Иисусе, одеждо веселия, одей мя тленнаго;
Иисусе, покрове радости, покрый мя недостойнаго.
Иисусе, подателю просящим, даждь мне плач за грехи моя;
Иисусе, обретение ищущим, обрящи душу мою.
Иисусе, отверзителю толкущим, отверзи сердце мое окаянное;
Иисусе, Искупителю грешных, очисти беззакония моя.
Иисусе, Сыне Божий, помилуй мя.
Кондак 7
Хотя сокровенную тайну от века открыти, яко овча на заколение веден был еси, Иисусе, и яко агнец прямо стригущаго его безгласен, и яко Бог из мертвых воскресл еси, и со славою на небеса вознеслся еси, и нас совоздвигл еси, зовущих: Аллилуиа.
Икос 7
Дивную показа тварь, явлейся Творец нам: без семене от Девы воплотися, из гроба, печати не рушив, воскресе, и ко апостолом, дверем затворенным, с плотию вниде. Темже чудящеся, воспоим:
Иисусе, Слове необыменный;
Иисусе, Слове несоглядаемый.
Иисусе, сило непостижимая;
Иисусе, мудросте недомыслимая.
Иисусе, Божество неописанное;
Иисусе, господство неисчетное.
Иисусе, царство непобедимое;
Иисусе, владычество безконечное.
Иисусе, крепосте высочайшая;
Иисусе, власте вечная.
Иисусе, Творче мой, ущедри мя;
Иисусе, Спасе мой, спаси мя.
Иисусе, Сыне Божий, помилуй мя.
Кондак 8
Странно Бога вочеловечшася видяще, устранимся суетнаго мира и ум на Божественная возложим. Сего бо ради Бог на землю сниде, да нас на небеса возведет, вопиющих Ему: Аллилуиа.
Кондак 9
Все естество ангельское безпрестани славит пресвятое имя Твое, Иисусе, на небеси: Свят, Свят, Свят, вопиюще; мы же, грешнии на земли бренными устнами вопием: Аллилуиа.
Икос 9
Ветия многовещанны, якоже рыбы безгласныя видим о Тебе, Иисусе, Спасе наш: недоумеют бо глаголати, како Бог непреложний и человек совершенный пребываеши? Мы же таинству дивящеся, вопием верно:
Иисусе, Боже предвечный;
Иисусе, Царю царствующих.
Иисусе, Владыко владеющих;
Иисусе, Судие живых и мертвых.
Иисусе, надеждо ненадежных;
Иисусе, утешение плачущих.
Иисусе, славо нищих;
Иисусе, не осуди мя по делом моим.
Иисусе, очисти мя по милости Твоей;
Иисусе, отжени от мене уныние.
Иисусе, просвети моя мысли сердечныя;
Иисусе, даждь ми память смертную.
Иисусе, Сыне Божий, помилуй мя.
Кондак 10
Спасти хотя мир, Восточе востоком, к темному западу — естеству нашему пришед, смирился еси до смерти; темже превознесеся имя Твое паче всякаго имене, и от всех колен небесных и земных слышиши: Аллилуиа.
Икос 10
Царю Превечный, Утешителю, Христе истинный, очисти ны от всякия скверны, якоже очистил еси десять прокаженных, и исцели ны, якоже исцелил еси сребролюбивую душу Закхеа мытаря, да вопием Ти, во умилении зовуще:
Иисусе, сокровище нетленное;
Иисусе, богатство неистощимое.
Иисусе, пище крепкая;
Иисусе, питие неисчерпаемое.
Иисусе, нищих одеяние;
Иисусе, вдов заступление.
Иисусе, сирых защитниче;
Иисусе, труждающихся помоще.
Иисусе, странных наставниче;
Иисусе, плавающих кормчий.
Иисусе, бурных отишие;
Иисусе Боже, воздвигни мя падшаго.
Иисусе, Сыне Божий, помилуй мя.
Кондак 11
Пение всеумиленное приношу Ти недостойный, вопию Ти яко хананеа: Иисусе, помилуй мя; не дщерь бо, но плоть имам страстьми люте бесящуюся и яростию палимую, и исцеление даждь вопиющу Ти: Аллилуиа.
Икос 11
Светоподательна светильника сущим во тьме неразумия, прежде гоняй Тя Павел, богоразумнаго гласа силу внуши и душевную быстроту уясни; сице и мене темныя зеницы душевныя просвети, зовуща:
Иисусе, Царю мой прекрепкий;
Иисусе, Боже мой пресильный.
Иисусе, Господи мой пребезсмертный;
Иисусе, Создателю мой преславный.
Иисусе, Наставниче мой предобрый;
Иисусе, Пастырю мой прещедрый.
Иисусе, Владыко мой премилостивый;
Иисусе, Спасе мой премилосердый.
Иисусе, просвети моя чувствия, потемненныя страстьми;
Иисусе, исцели мое тело, острупленное грехми.
Иисусе, очисти мой ум от помыслов суетных;
Иисусе, сохрани сердце мое от похотей лукавых.
Иисусе, Сыне Божий, помилуй мя.
Кондак 12
Благодать подаждь ми, всех долгов решителю, Иисусе, и приими мя кающася, якоже приял еси Петра, отвергшагося Тебе, и призови мя унывающаго, якоже древле Павла, гоняща Тя, и услыши мя, вопиюща Ти: Аллилуиа.
Икос 12
Поюще Твое вочеловечение, восхваляем Тя вси, и веруем со Фомою, яко Господь и Бог еси, седяй со Отцем и хотяй судити живым и мертвым. Тогда убо сподоби мя деснаго стояния, вопиющаго:
Иисусе, Царю предвечный, помилуй мя;
Иисусе, цвете благовонный, облагоухай мя.
Иисусе, теплото любимая, огрей мя;
Иисусе, храме предвечный, покрый мя.
Иисусе, одеждо светлая, украси мя;
Иисусе, бисере честный, осияй мя.
Иисусе, каменю драгий, просвети мя;
Иисусе, солнце правды, освети мя.
Иисусе, свете святый, облистай мя;
Иисусе, болезни душевныя и телесныя избави мя.
Иисусе, из руки сопротивныя изми мя;
Иисусе, огня неугасимаго и прочих вечных мук свободи мя.
Иисусе, Сыне Божий, помилуй мя.
Кондак 13
О, пресладкий и всещедрый Иисусе! Приими ныне малое моление сие наше, якоже приял еси вдовицы две лепте, и сохрани достояние Твое от враг видимых и невидимых, от нашествия иноплеменних, от недуга и глада, от всякия скорби и смертоносныя раны, и грядущия изми муки всех, вопиющих Ти: Аллилуиа, aллилуиа, aллилуиа.
(Этот кондак читается трижды, затем Икос 1-й и Кондак 1-й)
Икос 1
Ангелов Творче и Господи cил, отверзи ми недоуменный ум и язык на похвалу пречистаго Твоего имене, якоже глухому и гугнивому древле слух и язык отверзл еси, и, глаголаше зовый таковая: Иисусе пречудный, aнгелов удивление; Иисусе пресильный, прародителей избавление. Иисусе пресладкий, патриархов величание; Иисусе преславный, царей укрепление. Иисусе прелюбимый, пророков исполнение; Иисусе предивный, мучеников крепосте. Иисусе претихий, монахов радосте; Иисусе премилостивый, пресвитеров сладосте. Иисусе премилосердый, постников воздержание; Иисусе пресладостный, преподобных радование. Иисусе пречестный, девственных целомудрие; Иисусе предвечный, грешников спасение. Иисусе, Сыне Божий, помилуй мя.
Кондак 1
Возбранный Воеводо и Господи, ада победителю, яко избавлься от вечныя смерти, похвальная восписую Ти, создание и раб Твой; но, яко имеяй милосердие неизреченное, от всяких мя бед свободи, зовуща: Иисусе, Сыне Божий, помилуй мя.
М олитва ко Господу нашему Иисусу Христу
Владыко Господи Иисусе Христе Боже мой, иже неизреченнаго ради Твоего человеколюбия на конец веков во плоть оболкийся от Приснодевы Марии, славлю о мне Твое спасительное промышление, раб Твой, Владыко; песнословлю Тя, яко Тебе ради Отца познах; благословлю Тя, Егоже ради и Дух Святый в мир прииде; покланяюся Твоей по плоти Пречистой Матери, таковей страшней тайне послужившей; восхваляю Твоя Ангельская ликостояния, яко воспеватели и служители Твоего величествия; ублажаю Предтечу Иоанна, Тебе крестившаго, Господи; почитаю и провозвестившия Тя пророки, прославляю апостолы Твоя святыя; торжествую же и мученики, священники же Твоя славлю; покланяюся преподобным Твоим, и вся Твоя праведники пестунствую. Таковаго и толикаго многаго и неизреченнаго лика Божественнаго в молитву привожду Тебе, всещедрому Богу, раб Твой, и сего ради прошу моим согрешением прощения, еже даруй ми всех Твоих ради святых, изряднее же святых Твоих щедрот, яко благословен еси во веки. Аминь
Глава X. Акафист 369 Сладчайшему 370 Господу нашему Иисусу Христу
| Кондак 1, гл. 8: Возбра́нный Воево́до и Го́споди, а́да победи́телю, я́ко изба́влься от ве́чныя сме́рти, похва́льная воспису́ю Ти, созда́ние и раб Твой; но я́ко име́яй милосе́рдие неизрече́нное, от вся́ких мя бед свободи́, зову́ща: Иису́се, Сы́не Бо́жий, поми́луй мя. | Высший Военачальник и Господь, победитель ада! Избавившись от вечной смерти, я, создание и раб Твой, приношу Тебе хвалебные песни. Ты же, как имеющий неизъяснимое милосердие, от всяких бед освобождай меня, восклицающего: Иисусе, Сыне Божий, помилуй меня! |
| Икос 1: Ангелов Тво́рче и Го́споди сил, отве́рзи ми недоуме́нный ум и язы́к на похвалу́ пречи́стаго Твоего́ и́мене, я́коже глухо́му и гугни́вому дре́вле слух и язы́к отве́рзл еси́, и, глаго́лаше зовы́й такова́я: | Творец Ангелов и Господь Сил небесных! Открой мой слабый ум и развяжи язык на хвалу пречистого имени Твоего, как некогда Ты открыл слух и развязал язык глухому и косноязычному, при чем он громко восклицал так: |
Иису́се пречу́дный, áнгелов удивле́ние; [предмет удивления Ангелов] Иису́се преси́льный, прароди́телей избавле́ние [Избавитель]. Иису́се пресла́дкий, патриа́рхов велича́ние; Иису́се пресла́вный, царе́й укрепле́ние. Иису́се прелюби́мый, проро́ков [пророчеств] исполне́ние; Иису́се преди́вный, му́чеников кре́посте. Иисусе прети́хий, мона́хов ра́досте; Иису́се преми́лостивый, пресви́теров сла́досте [наслаждение]. Иису́се премилосе́рдый, по́стников воздержа́ние; Иису́се пресла́достный, преподо́бных ра́дование. Иисусе пречестны́й, де́вственных целому́дрие; Иису́се предве́чный́́́, гре́шников спасе́ние. Иису́се, Сы́не Бо́жий, поми́луй мя.
| Кондак 2: Ви́дя вдови́цу зе́льне пла́чущу, Го́споди, я́коже бо тогда́ умилосе́рдився, сы́на ея́ на погребе́ние несо́ма воскреси́л еси́; си́це и о мне умилосе́рдися, Человеколю́бче, и грехми́ умерщвле́нную мою́ ду́шу воскреси́, зову́щую: Аллилу́иа. | Как Ты некогда умилосердился, Господи, видя вдовицу сильно плакавшею, и воскресил сына ее, несомого для погребения, – так умилосердись, Человеколюбец, и ко мне, и воскреси умерщвленную грехами душу мою, восклицающую: Аллилуия! |
| Икос 2: Ра́зум неуразуме́нный разуме́ти Фили́пп ища́, Го́споди, покажи́ нам Отца́, глаго́лаше; Ты же к нему́: толи́кое вре́мя сый со Мно́ю, не позна́л ли еси́, я́ко Отец во Мне, и Аз во Отце́ есмь? Те́мже, Неизсле́дованне, со стра́хом зову́ Ти: | Ища познать недоступное познанию, Филипп сказал: «Господи, покажи нам Отца». А Ты ему: «Столько времени будучи со Мною, разве ты не знаешь, что Отец – во Мне и Я – в Отце?» Поэтому, Непостижимый, я со страхом восклицаю Тебе: |
Иису́се, Бо́же предве́чный; Иису́се, Царю́ преси́льный. Иису́се, Влады́ко долготерпели́вый; Иису́се, Спа́се преми́лостивый. Иису́се, храни́телю мой преблаги́й; Иису́се, очи́сти грехи́ моя́. Иису́се, отыми́ беззако́ния моя́; Иису́се, отпусти́ непра́вды моя́. Иису́се, наде́ждо моя́, не оста́ви мене́; Иису́се, помо́щниче мой, не отри́ни мене́. Иису́се, Созда́телю мой, не забу́ди мене́; Иису́се, Па́стырю мой, не погуби́ мене́. Иису́се, Сы́не Бо́жий, поми́луй мя.
| Кондак 3: Си́лою свы́ше апо́столы облеки́й, Иису́се, во Иерусали́ме седя́щия, облецы́ и мене́, обнаже́ннаго от вся́каго благотворе́ния, теплото́ю Ду́ха Свята́го Твоего́ и даждь ми с любо́вью пе́ти Тебе́: Аллилу́иа. | Иисусе, свыше облекший силою Апостолов, находившихся в Иерусалиме, облеки и меня, не прикрытого никаким добрым делом, теплотою Твоего Святого Духа и дай мне с любовью петь Тебе: Аллилуия! |
| Икос 3: Име́яй бога́тство милосе́рдия, мытари́ и гре́шники, и неве́рныя призва́л еси́, Иису́се; не пре́зри и мене́ ны́не, подо́бнаго им, но, я́ко многоце́нное ми́ро, приими́ песнь сию́: | Богатый милосердием, Ты, Иисусе, призвал мытарей, грешников и неверных; не презри ныне и меня, им подобного, но, как многоценное миро, прими эту песнь: |
Иису́се, си́ло непобеди́мая; Иису́се, ми́лосте безконе́чная. Иису́се, красото́ пресве́тлая; Иису́се, любы́ неизрече́нная. Иису́се, Сы́не Бо́га Жива́го; Иису́се, поми́луй мя гре́шнаго. Иису́се, услы́ши мя в беззако́ниих зача́таго; Иису́се, очи́сти мя во гресе́х рожде́ннаго. Иису́се, научи́ мя непотре́бнаго; Иису́се, освети́ мя те́мнаго. Иису́се, очи́сти мя скве́рнаго; Иису́се, возведи́ мя блу́днаго. Иису́се, Сы́не Бо́жий, поми́луй мя.
| Кондак 4: Бу́рю вну́трь име́яй помышле́ний сумни́тельных, Петр утопа́ше; узре́в же во пло́ти Тя су́ща, Иису́се, и по вода́м ходя́ща, позна́ Тя Бо́га и́стиннаго и, ру́ку спасе́ния получи́в, рече́: Аллилу́иа. | С бурею сомнений в сердце, Петр утопал; но, увидев Тебя, Иисусе, во плоти и идущим по воде, познал в Тебе истинного Бога и, получив руку спасения, сказал: Аллилуия! |
| Икос 4: Слы́ша слепы́й мимоходя́ща Тя, Го́споди, путе́м, вопия́ше: Иису́се, Сы́не Дави́дов, поми́луй мя! И, призв́ав, отве́рзл еси́ о́чи его́. Просвети́ у́бо ми́лостию Твое́ю о́чи мы́сленныя се́рдца и мене́, вопию́ща Ти и глаго́люща: | Слепой, слыша, что Ты проходишь, Господи, мимо по дороге, воскликнул: «Иисусе, Сыне Давидов, помилуй меня!» И призвав его, Ты открыл ему очи. Просвети же милостью Твоею духовные очи и моего сердца, взывающего к Тебе словами: |
Иису́се, вы́шних [Сил небесных] Созда́телю; Иису́се, ни́жних [людей] Искупи́телю. Иису́се, преиспо́дних потреби́телю [ада Разорителя]; Иису́се, всея́ тва́ри украси́телю. Иису́се, души́ моея́ уте́шителю; Иису́се, ума́ моего́ просвети́телю. Иису́се, се́рдца моего́ весе́лие; Иису́се, те́ла моего́ здра́вие. Иису́се, Спа́се мой, спаси́ мя; Иису́се, све́те мой, просвети́ мя. Иису́се, му́ки вся́кия изба́ви мя; Иису́се, спаси́ мя недосто́йнаго. Иису́се, Сы́не Бо́жий, поми́луй мя.
Мы же песнь прино́сим Ти, глаго́люще: Иису́се, Бо́же и́стинный; Иису́се, Сы́не Дави́дов. Иису́се, Царю́ пресла́вный; Иису́се, А́гнче непоро́чный. Иису́се, Па́стырю преди́вный; Иису́се, храни́телю во мла́дости мое́й. Иису́се, корми́телю во ю́ности мое́й; Иису́се, похвало́ в ста́рости мое́й. Иису́се, наде́жде в сме́рти мое́й; Иису́се, животе́ по сме́рти мое́й. Иису́се, утеше́ние мое́ на суде́ Твое́м; Иису́се, жела́ние мое́, не посрами́ мене́ тогда́. Иису́се, Сы́не Бо́жий, поми́луй мя.
| Кондак 6: Пропове́дник богоно́сных веща́ние и глагол́ы исполня́я, Иису́се, на земли́ я́влься и с челове́ки Невмести́мый пожил еси́, и боле́зни на́ша подъя́л еси́, отню́дуже ра́нами Твои́ми мы исцеле́вше, пе́ти навыко́хом: Аллилу́иа. | Исполняя пророческие слова вдохновенных Богом проповедников, Ты, Иисусе, явившись на земле и будучи невместимым ни в какое пространство, жил с людьми и взял на Себя наши страдания. Поэтому, исцелившись Твоими ранами, мы приняли обыкновение петь: Аллилуия! |
| Икос 6: Возсия́ вселе́нней просвеще́ние и́стины Твоея́, и отгна́ся лесть бесо́вская: и́доли бо, Спа́се наш, не терпя́ще Твоея́ кре́пости, падо́ша. | Воссиял вселенной яркий свет Твоей истины, и рассеялась ложь бесовская; ибо идолы, не вынесши силы Твоей, пали. |
Мы же, спасе́ние получи́вше, вопие́м Ти: Иису́се, и́стино, лесть отгоня́щая; Иису́се, све́те, превы́шший всех све́тлостей. Иису́се, Царю́, премога́яй [превозмогающий] всех кре́пости; Иису́се, Бо́же, пребыва́яй в ми́лости. Иису́се, Хле́бе Живо́тный [жизни], насы́ти мя а́лчущаго; Иису́се, исто́чниче ра́зума, напо́й мя жа́ждущаго. Иисусе, оде́ждо весе́лия, оде́й мя тле́ннаго; Иису́се, покро́ве ра́дости, покры́й мя недосто́йнаго. Иису́се, пода́телю прося́щим, даждь мне плач за грехи́ [о грехах] моя́; Иису́се, обре́тение и́щущим, обря́щи ду́шу мою́. Иису́се, отве́рзителю [отворяющий] толку́щим [стучащимся в двери], отве́рзи се́рдце мое́ окая́нное [несчастное]; Иису́се, Искупи́телю гре́шных, очи́сти беззако́ния моя́. Иису́се, Сы́не Бо́жий, поми́луй мя.
| Кондак 7: Хотя́ сокрове́нную та́йну от ве́ка откры́ти, я́ко овча́ на заколе́ние веде́н был еси́, Иису́се, и я́ко а́гнец пря́мо стригу́щаго его́ безгла́сен, и я́ко Бог из ме́ртвых воскре́сл еси́, и со сла́вою на небеса́ возне́слся еси́, и нас совоздви́гл еси́, зову́щих: Аллилу́иа. | Желая открыть сокрытую от века тайну, был Ты веден на заклание, как овца, Иисусе, и как агнец, перед стригущим его безгласный. И как Бог, воскрес Ты из мертвых, со славою вознесся на небеса и с Собою поднял из мертвых нас, восклицающих: Аллилуия! |
| Икос 7: Ди́вную 372 показа́ тварь, явле́йся Творе́ц нам: без се́мене от Де́вы воплоти́ся, из гро́ба, печа́ти не руши́в, воскре́се, и ко апо́столом, две́рем затворе́нным, с пло́тию вни́де. Те́мже чудя́щеся, воспои́м: | Дивное показал нам явление явившийся Творец: Он воплотился без мужа от Девы; из гроба воскрес, не сломав печати и вошел во плоти к Апостолам хотя двери были заперты. В изумлении перед этим запоем: |
Иису́се, Сло́ве необиме́нный [необъятное разумом]; Иису́се, Сло́ве несогляда́емый [несозерцаемое]. Иису́се, си́ло непостижи́мая; Иису́се, му́дросте недомы́слимая [непостижимая мыслью]. Иису́се, Божество́ неопи́санное [неизобразимое]; Иису́се, госпо́дство неисче́тное [Господь неизмеримый числом]. Иису́се, ца́рство непобеди́мое; Иису́се, влады́чество безконе́чное. Иису́се, кре́посте высоча́йшая; Иису́се, вла́сте ве́чная. Иису́се, Тво́рче мой, уще́дри [сжалься надо мною] мя; Иису́се, Спа́се мой, спаси́ мя. Иису́се, Сы́не Бо́жий, поми́луй мя.
Иису́се, сла́досте серде́чная; Иису́се, кре́посте теле́сная. Иису́се, све́тлосте душе́вная; Иису́се, быстрото́ у́мная [острота ума]. Иису́се, ра́досте со́вестная; Иису́се, наде́ждо изве́стная [верная]. Иису́се, па́мяте предве́чная; Иису́се, похвало́ высо́кая. Иису́се, сла́во моя́ превознесе́нная; Иису́се, жела́ние мое́, не отри́ни мене́. Иису́се, Па́стырю мой, взыщи́ [спаси] мене́; Иису́се, Спа́се мой, спаси́ мене́. Иису́се, Сы́не Бо́жий, поми́луй мя.
| Кондак 9: Все естество́ а́нгельское безпреста́ни сла́вит пресвято́е и́мя Твое́, Иису́се, на небеси́: Свят, Свят, Свят, вопию́ще; мы же гре́шнии на земли́ бре́нными устна́ми вопие́м: Аллилу́иа. | Весь мир Ангельский непрестанно славит пресвятое имя Твое, Иисусе, на небесах, восклицая: Свят, Свят, Свят! Мы же грешные, на земле бренными устами восклицаем: Аллилуия! |
| Икос 9: Вети́я многовеща́нныя, я́коже ры́бы безгла́сныя ви́дим о Тебе́, Иису́се, Спа́се наш: недоуме́ют бо глаго́лати, ка́ко Бог непрело́жний и челове́к соверше́нный пребыва́еши? Мы же та́инству дивя́щеся, вопие́м ве́рно: | Витий громкогласных мы видим перед Тобою, Иисусе, Спасе наш, безгласными, как рыбы; ибо они не в силах объяснить, как Ты пребываешь без изменения Богом и в то же время совершенным человеком. Мы же, дивясь этой тайне, с верою восклицаем: |
Иису́се, Бо́же предве́чный; Иису́се, Царю́ ца́рствующих. Иису́се, Влады́ко владе́ющих; Иису́се, Судие́ живы́х и ме́ртвых. Иису́се, наде́ждо ненаде́жных [утративших надежду]; Иису́се, утеше́ние пла́чущих. Иису́се, сла́во ни́щих; Иису́се, не осуди́ мя по дело́м мои́м. Иису́се, очи́сти мя по ми́лости Твое́й; Иису́се, отжени́ от мене ́ уны́ние. Иису́се, просвети́ моя́ мы́сли серде́чныя; Иису́се, даждь ми па́мять сме́ртную [о смерти]. Иису́се, Сы́не Бо́жий, поми́луй мя.
Икос 10: Царю́ Преве́чный, Уте́шителю, Христе́ и́стинный, очи́сти ны от вся́кия скве́рны, я́коже очи́стил еси́ де́сять прокаже́нных, и исцели́ ны, я́коже исцели́л еси́ сребролюби́вую ду́шу Закхе́а мытаря́, да вопие́м Ти, во умиле́нии зову́ще: Иису́се, сокро́вище нетле́нное [сокровищница жизни вечной]; Иису́се, бога́тство неистощи́мое. Иису́се, пи́ще кре́пкая [великая]; Иису́се, питие́ неисчерпа́емое. Иису́се, ни́щих оде́яние; Иису́се, вдов заступле́ние. Иису́се, си́рых защи́тниче; Иису́се, тружда́ющихся по́моще. Иису́се, стра́нных наста́вниче [Путеводитель странников]; Иису́се, пла́вающих ко́рмчий. Иису́се, бу́рных оти́шие [защищенное от бурь пристанище]; Иису́се Бо́же, воздви́гни мя па́дшаго. Иису́се, Сы́не Бо́жий, поми́луй мя.
Кондак 11: Пе́ние всеумиле́нное приношу́ Ти недосто́йный, вопию́ Ти я́ко ханане́а: Иису́се, поми́луй мя; не дщерь бо, но пло́ть и́мам страстьми́ лю́те [тяжко] беся́щуюся и я́ростию [гневом] пали́мую, и исцеле́ние даждь вопию́щу Ти: Аллилу́иа.
| Икос 11: Светопода́тельна свети́льника су́щим во тьме́ неразу́мия, пре́жде гоня́й Тя Па́вел, богоразу́мнаго гла́са си́лу внуши́ и душе́вную быстроту́ уясни́; си́це и мене́ те́мныя зе́ницы душе́вныя просвети́, зову́ща: | Павел, прежде гнавший Тебя, Светильника, светящего находящимся во тьме неведения, внял силе голоса Мудрости и быстро прояснил душу свою. Так просвети слепые зрачки и моей души, восклицающей: |
Иису́се, Царю́ мой прекре́пкий; Иису́се, Бо́же мой преси́льный. Иису́се, Го́споди мой пребезсме́ртный; Иису́се, Созда́телю мой пресла́вный. Иису́се, Наста́вниче мой предо́брый; Иису́се, Па́стырю мой преще́дрый. Иису́се, Влады́ко мой преми́лостивый; Иису́се, Спа́се мой премилосе́рдый. Иису́се, просвети́ моя́ чу́вствия, потемне́нныя страстьми́; Иису́се, исцели́ мое́ те́ло, острупле́нное грехми́ [покрытое ранами от грехов]. Иису́се, очи́сти мой ум от по́мыслов су́етных; Иису́се, сохрани́ се́рдце мое́ от по́хотей лука́вых [злых страстей]. Иису́се, Сы́не Бо́жий, поми́луй мя.
| Кондак 12: Благода́ть пода́ждь ми, всех долго́в реши́телю, Иису́се, и приими́ мя ка́ющася, я́коже прия́л еси́ Петра́, отве́ргшагося Тебе́, и призови́ мя уныва́ющаго, я́коже дре́вле Па́вла, гоня́ща Тя, и услы́ши мя, вопию́ща Ти: Аллилу́иа. | Даруй мне благодать прощения долгов, прощающий долги всем людям, Иисусе, и прими меня, кающегося, как Ты принял отрекшегося от Тебя Петра, и призови меня, беспечного, как некогда – гнавшего Тебя Павла, и услышь меня, восклицающего Тебе: Аллилуия! |
Икос 12: Пою́ще Твое́ вочелове́чение, восхваля́ем Тя вси, и ве́руем со Фомо́ю, я́ко Госпо́дь и Бог еси́, седя́й со Отце́м и хотя́й суди́ти живы́м и ме́ртвым. Тогда́ у́бо сподо́би мя десна́го стоя́ния, вопию́щаго: Иису́се, Царю́ предве́чный, поми́луй мя; Иису́се, цве́те благово́нный, облагоуха́й мя [сделай меня благоуханным]. Иису́се, теплото́ люби́мая, огре́й мя; Иису́се, хра́ме предве́чный, покры́й мя. Иису́се, оде́ждо све́тлая, украси́ мя; Иису́се, би́сере честны́й [жемчуг драгоценный], осия́й мя. Иису́се, ка́меню драги́й, просвети́ мя; Иису́се, со́лнце пра́вды, освети́ мя. Иису́се, све́те святы́й, облиста́й мя; Иису́се, боле́зни душе́вныя и теле́сныя изба́ви мя. Иису́се, из руки́ сопроти́вныя [вражеской] изми́ мя; Иису́се, огня́ неугаси́маго и про́чих ве́чных мук свободи́ мя. Иису́се, Сы́не Бо́жий, поми́луй мя.
Кондак 13: О, пресла́дкий и всеще́дрый Иису́се! Приими́ ны́не ма́лое моле́ние сие́ на́ше, я́коже прия́л еси́ вдови́цы две ле́пте, и сохрани́ достоя́ние [наследие] Твое́ от враг ви́димых и неви́димых, от наше́ствия иноплеме́нних, от неду́га и гла́да, от вся́кия ско́рби и смертоно́сныя ра́ны, и гряду́щия изми́ му́ки всех, вопию́щих Ти: Аллилуиа.
Этот кондак произноси трижды. И вновь читается 1-ый икос: А́нгелов Тво́рче: и вновь 1-ый кондак: Возбра́нный воево́до:
Молитва Господу нашему Иисусу Христу
Тебе́, Го́споди, еди́ному Благо́му и Непамятозло́бному, испове́даю грехи́ моя́, Тебе́ припа́даю вопия́, недосто́йный: согреши́х, Го́споди, согреши́х и несмь досто́ин воззре́ти на высоту́ небе́сную от мно́жества непра́вд мои́х. Но, Го́споди мой, Го́споди, да́руй ми сле́зы умиле́ния, еди́ный Бла́же и Ми́лостивый, я́ко да и́ми Тя умолю́, очи́ститися пре́жде ко́нца от вся́каго греха́: стра́шно бо и гро́зно ме́сто и́мам проити́, те́ла разлучи́вся, и мно́жество мя мра́чное и безчелове́чное [] де́монов сря́щет [], и никто́же в по́мощь спу́тствуяй или́ избавля́яй. Тем припа́даю Твое́й бла́гости, не преда́ждь оби́дящым мя, ниже́ да похва́лятся о мне врази́ мои́, Благи́й Го́споди, ниже́ да реку́т: в ру́ки на́ша прише́л еси́, и нам пре́дан еси́. Ни, Го́споди, не забу́ди щедро́т Твои́х и не возда́ждь ми по беззако́нием мои́м, и не отврати́ лица́ Твоего́ от мене ́: но Ты, Го́споди, накажи́ [наставь] мя, оба́че ми́лостию и щедро́тами. Враг же мой да не возра́дуется о мне, но угаси́ [прекрати] eго́ на мя преще́ния [угрозы] и все упраздни́ eго́ де́йство, и даждь ми к Тебе́ путь неуко́рный [честный], Благи́й Го́споди: зане́же и согреши́в, не прибего́х ко ино́му врачу́, и не простро́х руки́ моея́ к бо́гу чужде́му, не отри́ни у́бо моле́ния моего́, но услы́ши мя Твое́ю благо́стию и утверди́ мое́ се́рдце стра́хом Твои́м, и да бу́дет благода́ть Твоя́ на мне, Го́споди, я́ко огнь попаля́яй нечи́стыя во мне по́мыслы. Ты бо еси́, Го́споди, свет, па́че вся́каго све́та; ра́дость, па́че вся́кия ра́дости; упокое́ние, па́че вся́каго упокое́ния; жизнь и́стинная и спасе́ние, пребыва́ющее во ве́ки веко́в, ами́нь.
Наш акафист Иисусу Сладчайшему представляет подражание акафисту Божией Матери и, несомненно, переведен с греческого языка; но в употребление Греческой Церкви он не вошёл, и подлинник его неизвестен. У нас впервые акафист Иисусу Сладчайшему был напечатан в Киевском издании акафистов «всеседмичных» 1697 году. Святейший Синод отнёсся к нему сдержанно, и в 1727 году поручил настоятелю Киево-Печерской обители, «с другими учеными и искусными людьми», рассмотреть его и выправить, причём, обратил внимание на начало 11-го икоса, где о Самом Господе Боге, по примеру акафиста Божией Матери, было напечатано: «Светоприемна Светильника», тогда как «Той Сам есть Светодавец». Вследствие этого указанное место было исправлено на «Светодательна Светильника». Кем и когда именно составлен наш акафист, – неизвестно.
сладчайший, γλυκύτατος – любезнейший, возлюбленнейший, также кротчайший. Ср. нем. süsses Kind и т. п.
По аналогии с другими параллельными местами надо предполагать, что в греческом тексте здесь стояло περιεργία, переводимое на церковнославянский язык уныние. Περιεργία = πολυπραγμοσύνη, ματαιότης – это суетливость, занятие лишними, бесполезными, суетными делами. Слово суетность более подходит к одному порядку со страстями и соблазном, нежели уныние.
дивную. Кондаки и икосы нашего акафиста начинаются теми же словами, что и соответствующие им кондаки и икосы Акафиста Божией Матери. Икос 7-ой последнего начинается словами: «Новую показа тварь, νέαν ἔδειξε κτίσιν». Переводчик нашего акафиста понял и перевел прилагательное νέος так же, как и мы, т. е. не новый, а дивный, необыкновенный. См. выше прим. 18 к Акафисту Божией Матери.
Здесь, конечно, надо читать «восточе востоков», как «во веки веков», а не «веком». Родительный падеж однозначащего и однокоренного имени показывает, что имена эти следует принимать в полном смысле слова, со всем количеством тех признаков, которые возможно представить в общем объёме понятия. Подобное удвоение составляет как бы превосходную степень в понятии имени существительного, например: во веки веков, Царь царей, Царь царствующих и Господь господствующих, праздников праздник. Ср. русское день-деньской.
Источник: Молитвы и песнопения православного молитвослова (для мирян), с переводом на русский язык, объяснениями и примечаниями Николая Нахимова. Санкт-Петербург, Синодальная типография, 1912 г.
Вам может быть интересно:
Поделиться ссылкой на выделенное
Нажмите правой клавишей мыши и выберите «Копировать ссылку»